قصيدة شيخة القصائد

يــاالله يامطـلـوب يـاوالـي الأقـــدارأنــت الــذي مــدات جــودك لطـيـفـه
أطلبـك يامعبـود عـاون هــل الـكـاروتـحــل شــطــاتٍ عـلـيـهـم كـلـيـفـه
ألـلـي مجالسـهـم بـهـا بــن وبـهــارونـجـرٍ يـصـوت للنشـامـى رجـيـفـه
يامـزنـةٍ غــرا مــن الـوسـم مـبـدارالـلــي جـذبـنـا مـــن بـعـيـدٍ رفـيـفــه
تومـر علـى كـل المفالـي بالأمـطـاروتصبـح بهـا ديـران قومـي مريـفـه
غب المطر فاحت بها ريح الأزهـارتـخـالـف الـنــوار مــثــل القـطـيـفـه
ترعـى بـهـا قطعانـنـا ســر وجـهـارترعـى زمالـيـق الفـيـاض النظيـفـه
فــي ضـفـة الله ثـــم جـبــرٍ وجـبــارخـيـالــةٍ يــــوم الـمــلاقــا عـنـيـفــه
ترعى بها وضحى من الذود معطارغـبـوقـة الـخـطـار عـجــلٍ عطـيـفـه
ويبنـي عليـهـا بنـيـة اللـبـن بـجـدارعقـب الضعـف راحـت ردومٍ منيفـه
ماهـي حكايـا مـسـردٍ عـقـب مـانـاراللي هـرب وأطـراف رمحـه نظيفـه
ان سوهجوا عنها قليليـن الأبصـارمن دونها نروي السيـوف الرهيفـة
والصبر مفتاح الفـرج عنـد الأذكـارومن لا صبر تصبح حوالـه كسيفـه
خطـو الولـد مثـل البليهـي إلـى ثـارزودٍ علـى حملـه نـقـل حـمـل اليـفـه
وخطو الولد يبنش على موتة النـارمـع العـرب يشبـه لخـطـو الهديـفـه
وإلـى بخصتـه ماسـوى ربـع دينـارصـفـر عـلـى عــودٍ تـضـبـه كتـيـفـه
وخطو الولد مثل النداوي إلـى طـارصيـده سميـن ولا يصـيـد الضعيـفـه
إلا ومــع ذلــك لـــك الله لـنــا كـــارعـن جارنـا ماقـط نخـفـي الطريـفـه
ونرفـا خمالـه رفيـة العـش بالـغـارونـودع لـه النفـس القويـة ضعيـفـه
ولا نبدي الخافي إلى صـار ماصـاريفلـج قصيـر البيـت لـو بــان حيـفـه
والـجـار لابــده مقـفـي عــن الـجـاروكـــل بـجـيـرانـه يــعــد الـوصـيـفـه
جــارٍ عـلـى جــاره بخـتـري ونــواروجـارٍ عـلـى جــاره صـفـاةٍ محيـفـه
نكـرم سبـال الضيـف حــق وتعـبـارلامـــن ولـــد الاش شـــح برغـيـفـه
ولابـدهـا تصـبـح تـواريـخ وأذكـــاروتبقـى لدسميـن الشـوارب وظيـفا