قصيدة : رؤيا

رؤيا
جاسم محمد حمود الحسو : ناحية ربيعة ـ قرية تل الهوى
عالمدينه عالمدينه سيّـرتْ روحي لنبينه ﮔـعدنه اباب السلام والرياح تهب علينه
روحي للمصطفى راحت والرياح هناك فاحت البشاير لِـنّه لاحت من وصنا ارض المدينه
ﮔـعدنه اباب السلام والـﮕـلب صابو هيام مجاورة خير الأنام تغشانه برحمة وسكينه
ﮔـعدنه بدﭽـة الباب هايمين بهاكباب شوﮔنه والذكر طاب والصلاة على نبينه
ﮔـعدنه بخير البلاد نذكر أيام الجهاد يوم ﭽـان العز وكاد والنبي مضفضف علينه
تذكرنه النبي بيه والوحي ينزل عليه الإله انِّزتجيه يسامحنه ثم يعفينه
شاهدنا جملة اعلام النور بوجناتهم عام اتضحونه بالكلام من الغفالة مبنهينه
جنة نقرا بفقه السيرة وذكر طه يحب عبيرة يالهي من السعيرة نحنا بحرمة بنينه
لانهارٍ ولا ليل ونسمها يبري العليل فكري هايم والدليل وبالمحبة احنه فنينة
عالجبل نمشي بعجاله نريد نزور النبي واله شفنه الﮕصور اتلاله وبانت اشجار المدينة
لما بانت الشجار ﮔلبي من الفرحة طار شوفه النبي المختار امينه للمسلمينه
ضلت الحسرة بﮕلبي ما شفت محبوب بﮕلبي اتضرع الى ربي ان ارى الهادي نبينه
الشرف لنا حصل بمجالسة خير البشر لكن قاصر النظر عن وصف سيد المرسليه
جلسه بيها النور يسطع كالبدر لوضو وشعشع والجليس العدنه يشفع من غضب رب العالمينه
اسال الله بمهابه يجمعنه وي الصحابة والنبي ثم قرابه بجنة الخلد اجمعينه
يا الهي لاتذلنه يوم تشتد المحبه اجعل الهادي يفرحنه وبرضاك انت علينه
الصلاة على الحبيب الذكر وعني لايغيب خاتمه لكل خطيب الواحده بعشرة ثمينه